Barnfóstran farin

Þú ert með barnfóstru til að gæta barna. Þér finnst hún þurftafrek og vilt ekki borga henni of mikið. Þá er bara fínt að senda hana utan og selja sig vegna olíustríðs. Því það virðist enginn þurfa að passa börnin hér heima hvort sem var. Allir glaðir meðan barnfóstran er ekki í peysufötunum í erlendum stríðsrekstri. Kemur svo aftur með hluta af vasapeningunum sínum. Mér a.m.k. verður óglatt meðan einhverjir kunna að gleðjast.

Fáni ESB á varðskipinu

Athugasemdir

[Guðmundur Pétursson, 17.4.2011 kl. 00:14]

Er ekki EB eina leiðin til þess að íslendingar eigi möguleika til þess að losna undan gjörspilltum og vanhæfum ráðamönnum? Það getur allavega ekki versnað við inngöngu í EB.

[Guðmundur Ásgeirsson, 17.4.2011 kl. 01:22]

Þegar verið var að velja fyrsta forseta ESB var lengst framan af þar eitt nafn efst á blaði: "besti vinur" írakskra barna, Tony Blair. En áður en hann vék úr embætti forsætisráðherra Bretlands útnefndi hann arftaka sinn: Gordon Brown fyrrverandi fjármálaráðherra sem hélt brunaútsölu á gullforða Bretlands tæpum áratug áður en hann stal þeim íslenska ásamt fleiru. Fyrrnefnda aðgerðin er talin hafa kostað breska skattgreiðendur 7 milljarða punda sem er álíka mikið og öll IceSave krafan í þrotabú Landsbankans, en sú síðarnefnda var stríðsglæpur gegn yfirlýstri vinaþjóð þó hann hafi reyndar séð að sér seinna og skilað ránsfengnum.

En af því að svona stríðsglæpir og þjóðarmorð og svoleiðis gerast svo sjaldan á Íslandi að flestir skilja ekki hversu alvarlegt það er fyrir fórnarlömbin, þá skal ég nefna nærtækara dæmi: Fyrir tæpum mánuði sendi hópur Íslendinga, ég þar á meðal, bréf til Hermans van Rompuy forseta ESB með spurningum um ýmis atriði í samningum, tilskipunum og öðrum leikreglum sem gilda í Evrópusambandinu vegna mikilvægrar ákvörðunar sem við stóðum frammi fyrir þar að lútandi og hefði getað kostað okkur framtíðina. Við fengum strax staðfestingu frá skrifstofu hans um að bréfið hefði verið móttekið, en erum hinsvegar ennþá að bíða eftir svari við spurningunum. Í millitíðinni höfum við sem löggjafi fullveldisins, að kröfu ESB og þjóða sem tilheyra því, þurft að taka mikilvæga ákvörðun útfrá þeim reglum sem spurt var um í bréfinu, og nú er okkur hótað málaferlum fyrir að hafa tekið þá ákvörðun.

Hverskonar hræsni er það eiginlega að ætla með frekju og fantaskap að þvinga einhvern til að fylgja einhverjum meintum reglum, en neita svo að upplýsa hverjar þær eru? Svoleiðis viðgekkst kannski í gamla Austur-Þýzkalandi þar sem STASI fann bara upp nýjar reglur jafnóðum til að handtaka þig útaf, og þú áttir ekki séns því enginn hafði látið þig vita af nýju reglunum. Það var lengi draumur íslenskra kommúnista að gerast úthérað í Sovétinu, og svipaður hugsunarháttur virðist enn við lýði hjá sumum hér á landi, því miður.

Þess má geta að þegar van Rompuy steig úr forsætisráðherraembætti Belgíu upp í stól forseta Evrópu skildi hann við tæplega ársgamla ríkisstjórn sína í rjúkandi rústum sem hún hrökklaðist frá skömmu síðar. Síðan hefur landinu, sem hýsir höfuðstöðvar ESB, tekist að setja nýtt heimsmet í árangurslausum stjórnarmyndunarviðræðum, en eftir viku verður liðið heilt ár síðan þar var síðast starfandi ríkisstjórn að nafninu til. Fyrri methafi var Írak. Glæstur ferill eða þannig?

Er ekki EB eina leiðin til þess að íslendingar eigi möguleika til þess að losna undan gjörspilltum og vanhæfum ráðamönnum? Það getur allavega ekki versnað við inngöngu í EB.

Þessi brandari er svo lélegur að mér stekkur ekki bros.

[Sæmundur G. Halldórsson , 17.4.2011 kl. 09:51]

Barnfóstran okkar fór og skildi okkur ein eftir árið 2006. Enda hefur allt gengið á afturfótunum síðan. Þið hefðuð væntanlega ekki kvartað ef öll/bæði skip Landhelgisgæslunnar hefðu verið máluð með Stars and Stripes litunum!